Banner 01 Top

Кровови

Кровниот покривач е можеби најизложениот елемент на објектот на атмосферски влијанија. Живееме во географски предел каде куќите не ни се поштедени од ниту една атмосферска појава:

  • силно сонце со висок UV фактор (летно време и до фактор 10)
  • дождови
  • снег
  • град
  • ветер

Ова набројување само ја подржува идејата за важноста на кровниот покривач. Секако важна е и кровната конструкција, но имајќи во предвид дека сите објекти во Македонија се подложени (во проект) на проверк ана статиката во ИЗИИС (Институт за земјотресно инженерство и сеизмика), само ќе спомнеме дека кровот најчесто се носи на:

  • дрвена конструкција
  • челична конструкција
  • армирано-бетонска конструкција (рамни и зелени кровови)

 

Согласно се набројано, најчест кров во регионов (кој го поминал тестот на времето) е повеќеводниот кров со ќерамиди.

Во планинските региони на Македонија се сретнуваат и стрмните кровови, покриени со салонит (веќе забранет во МК заради присуство на азбест) или слични панели. Овој облик и покривач секако го диктира снегот, кој често и долго е присутен на планините. Доколку планирате викендичка на планина, ова секако е препорачаниот кров.

Да се вратиме во градовите. Таму се почесто се сретнуваат и ткн. “зелени кровови”, т.е. кровни градини, изведени на идроизолиран кров, во кој секако е решена и термичката изолација.

 

Доколку сте професионалец во оваа категорија и сакате да бидете дел од тимот на Градам.мк, контактирајте не на нашата email адреса info@gradam.mk или пак на тел. +389 75 342 446

Сподели на социјалните медиуми: